طريقة عمل الصن بايتس
الصن بايتس او البيك رولز : من المقرمشات اللذيذة جدا والاطفال بيحبوها اوي بس طبعا اللي بتتباع كلها مواد حافظه وحجات احنا مش عارفين مصادرها اية فنعمل لولادنا كل الحجات دي في البيت اامن وانضف واوفر كمان ويبقي نفس الطعم والشكل اللي هما متعودين علية ، اعرفي الطريقة مع المطبخ.
مقادير عمل الصن بايتس:
3 وحدات من الفينو
نص معلقة صغيرة من الملح
نص معلقه صغيرة من التوم البودر
نص معلقة صغيرة من البصل البودر
2 معلقة كبيرة زبدة
معلقة صغيرة من الجبنة البودر (من عند العطار) او جبنه رومي مبشورة
طريقة عمل صوابع الجبنة المقلية.
Related Posts
- Advertisement -
طريقة تحضير الصن بايتس :
اول حاجة هنجيب العيش الفينو البايت او الطازة ونقطعة علي الرخامة بالورب كده وميكنش تخين اوي عشان يبقي زى الجاهز ونقطعه بسكينة مشرشة .
هنسيح الزبدة او السمنة ونحط التوم والبصل البودر عليها والملح ونقلبهم .
- Advertisement -
هنرص قطع الفينو في صنية وندهن كل واحده بالزبدة من تحت وفوق.
وبعدين هنرش علي الوش الجبنه البودر اللي جبنها من العطار .
ونحطة تحت الشوايه مبياخدش 5 دقايق ونقف جانبه ونقلبة بسرعه علي الناحية التانية.
لو هنحط الجبنه الرومي المبشورة يبقي هندخل الفينو الفرن تحت الشوايه تاخد اول طبقه اللون وبعدين نقلبة ونحط الجبنه الرومي عليه .
وبالف هنا وهيعجب ولادك جدا.
التعليقات مغلقة.